Veivuketaki na Bisinisi ni Marama

E veivuke na Minisita ni Qoliqoli ko Alitia Bainivalu kina soqosoqo vakamarama mai Somosomo, Taveuni ena nona solia vakailoloma e dua na waqa kei na kena idini me veivuke ena kena cicivaki na bisinisi ni susu civa. E ra laki solia vakailoloma na Minisita ni Qoliqoli ko Alitia Bainivalu e dua na waqa kei na idini (fibreglass) ki vei iratou na soqosoqo vakamarama ka vakatokai na Nasomo Ra Marama mai Somosomo, Taveuni, e na siga Lotulevu ni macawa oqo. Oqo me vukea na nodra veitosoyaki e na qoli e wai ko ira na marama e na kena sagai me tarai cake na bisinisi ni susu civa vei ira na marama e nakoro.

Vakavinavinaka E vakavinavinakataka na nodra lomasoli me ra laki solia na cau ni matanitu ka sa vakavotukana sara ka vakabibi e na kena qaravi na itavi bibi oqo ka na rawati ga na sautu ni vakadeitaki tiko e na yalovinaka, cakacakavata kei na duavata. E vakavinavinataki iratou na soqosoqo ni Australian Centre for International Agricultural Research (ACIAR) e na nodra dodoliga e na vuku ni vakaikuritaki ka vakadinadinataki kina cakacaka ni liga ka sa maketetaki tiko vei ira na vulagi ni saravanua, ka vakatalega kina noda vanua. Susu civa Tomana ni vakavinavinakataki Claude Prevost e dua na dau cicivaki bisinisi ni susu Civa e Taveuni e na nona vakarautaka tiko mai e vica na qa ni civ aka dau vukici ka vakayagstaki me ivoli ka sa rawa tiko kina na ilavo.



E vakaraitaka ni nodra sasaga ni qa ni civa e sa dolava tale e dua na katuba e na kena vakaikuritaki na cakacaka ni liga. Tomana ni dua talega na porokaramu e vakatokai tiko me melamela ka oqo e isevu tiko vei iratou na soqosoqo vakamarama ka vakavinavinakataka na nodra cuqena ka dinata na nodra sasaga. Na veika e rawa mai na qa ni civa, ka ra sa tuvani tu me ra volitaki.

Mamaroroi E sa vakamamasu tiko na Minisita ni Qoliqoli ki vei ira na marama me ra maroroya vinaka na iyaya ni matanitu me vaka ni ra kerea yani e dua na waqa kei na idini me veivuke vei ira na marama e na nodra dau voli qa ni civa mai vei ira na dau susu civa me vaka ni yaragi ni veivuke oqo e na laveta cake na bisinisi ka sa dua dina na cavu isausau levu e na nodra sasaga na marama. “E na rawa ga na cavu isausau kevaka eda cakacaka vata, kei na duavata e na cuqeni nai i tavi bibi oqo ka sa rawa kina nai vurevure ni lavo”. Vakaraitaka na minisita ni sa vakadonui talega e na palimedi na lawa ni susu sasalu kei na ika, ka sa dua na cavu ikalawa levu kei na cavu isausau, vakabibi e na kena tarai cake na kena qaravi na cakacaka ni susu sasalu kei na ika.

Na i taube ka rawa mai ena qa ni civa. Veivakadreti Kuria na nona vakavinavinaka ki vei ira na veitokani e na vuku ni nodra veitokonitaka na soqosoqo vakamarama e Somosomo ka’ra sa vakanuinui tu ni na levu tiko na veigauna vinaka kei Somosomo ka rawa me na sarava talega ko Viti kei vuravura na vua ni sasaga yaga. Feedback: salaseini.

[email protected].