Val Kilmer na gumanap na Batman sa 'Batman Forever,' pumanaw na sa edad 65

Pumanaw na sa edad 65 ang American actor na si Val Kilmer, na kilala sa pagganap niya bilang si Batman sa “Batman Forever” noong 1995. Iniulat ng The New York Times nitong Miyerkoles na ayon sa anak ni Kilmer na si Mercedes, pumanaw si Kilmer sa pneumonia sa Los Angeles, California. Bago nito, na-diagnose si Kilmer ng throat cancer noong 2014 ngunit gumaling din, ayon sa kaniyang anak.

Nag-debut si Kilmer sa action comedy film na “Top Secret!” (1984), bago gumanap bilang si Bruce Wayne sa “Batman Forever” noong 1995. Binigyang buhay din ni Kilmer ang karakter ng The Doors’ frontman na si Jim Morrison sa 1991 biopic na “The Doors.” — Jamil Santos/VBL, GMA Integrated News.