Tinampay gi-knockout ni Capuloy sa 2nd round

Niposte og makapaukyab nga 2nd round knockout nga daog si Rhonvex Capuloy batok sa beteranong si Jason Tinampay aron angkunon ang World Boxing Foundation (WBF) Australasian super featherweight belt sa main event sa Big Yellow Boxing Promotions “Bakbakan Uno” niadtong Miyerkules sa gabii, Disyembre 10, 2024, sa Conequip Philippines Inc. Showroom sa Mandaue City. Usa ka body shot ni Capuloy ang nagpatumba ni Tinampay sa ika-1:15 minutos sa 2nd round.

Si Capuloy nisaka sa 12-3-3, 9KOs nga rekord samtang si Tinampay natagak sa 14-20-2, 11 KOs. Nagkanayon si Big Yellow Boxing Promotions head Seth Oliver Tio nga aduna siya’y dakong plano alang ni Capuloy. “We want to elevate him (Capuloy) in the rankings and hopefully we will be able to host for him a world championship very soon,” matod ni Tio sa interbyu sa SunStar Cebu.



Sa top supporting bout, si Jusue Bastillada (9-1, 5 KOs) nilupig ni Paolo Fortun (3-2, 1 KO) pinaagi sa unanimous decision. Sa undercard, ningdaog sila si Reycar Auxilio batok Jess Rhey Waminal (TKO 4), Arlando Senoc batok George Sedillo (TKO 5), John Rey Labajo batok Dixson Ercillo (TKO 2), Taiwanese Ming Hung Lee (10-1, 7 KOs) batok Kim Lindog (KO 1), Emje Felicilda batok Ronie Urgel (UD), ug Mark Anthony Sarino batok Norman Rusiana (UD). / ESL.