Pahayag ng Pangalawang Pangulo para sa Pagdiriwang ng Eid Al-Fitr

ASSALAMU Alaykum Warahmatullahi Wabarakatuh! Madayaw ug maayong adlaw kaninyong tanan. Magandang araw sa inyong lahat. Nakikiisa po ako sa ating mga kapatid na Muslim sa pagdiriwang ng Eid al-Fitr.

Ipinagbubunyi natin ang pagtatapos ng banal na buwan ng Ramadan — isang panahon ng pananampalataya, pagsasakripisyo, at pagninilay. Ang mahalagang araw na ito ay hindi lamang paalala ng kabutihan ni Allah, kundi pati na rin ng mahahalagang turo ng banal na Qur'an — ang pagkakaisa at pagbabahagi ng biyaya sa pamilya at higit sa lahat sa mga nangangailangan. Hangad namin na ang Eid ay magdala ng kapayapaan sa inyong mga puso, liwanag sa inyong diwa, at walang hanggang kasiyahan sa inyong tahanan.



Nawa’y tanggapin ang inyong mga panalangin, gantimpalaan ang inyong mga sakripisyo, at pagpalain ang inyong buhay ng pag-ibig at kasaganaan. Nawa’y patuloy tayong gabayan ni Allah sa landas ng kabutihan at pagkakaisa. Eid Mubarak sa inyo at sa inyong mga mahal sa buhay! Ang lahat ng ginagawa natin ay para kay Allah, sa Bayan, at sa bawat Pamilyang Pilipino.

Shukran. - SARA Z. DUTERTE Vice President of the Philippines.