P24M nga drugas nasakmit sud sa 6 ka adlaw

Moabot sa P24 million nga balor sa ilegal nga drugas ang nasakmit sa Police Regional Office (PRO) 7 tibuok Cental Visayas sulod sa unom ka adlaw nga anti-illegal drug operations gikan sa Abril 20-26, 2025. Sa maong operations, nakasikop ang kapulisan og 205 ka drug personalities lakip na niini ang 14 ka mga high value individual. Sa data sa PRO 7, nakasakmit ang kapulisan og 3,589.

76 gramos sa gituohang shabu nga dunay standard drug price nga P24,410,368 ug mga drug paraphernalia. Si P/Brig. Gen.



Redrico Maranan hepe sa PRO 7 nibutyag nga ang ilang gihimo kabahin sa tinguha sa PNP nga magpabilin ang kahusay ug seguridad sa Central Visayas sa nagsingabot nga eleksiyon nga kamanduan sa ilang labaw nga si Gen. Rommel Marbil. Iya sab nga gidayeg ang iyang mga personnel ug nipasabot nga ang pagbatok sa ilegal nga drugas magpadayon nga prayoridad.

“PRO 7 will continue to operate relentlessly against illegal drugs to ensure a peaceful and orderly election process while respecting human rights,” matod ni Maranan. Gipasalig sa PRO 7 ngadto sa publiko nga ang mga dinakpan nag-atubang nagkaso sa kalapasan sa Republic Act 9165, o Comprehensive Dangerous Drugs Act of 2002 ug ang ilang gipakusgan nga anti-drug operations magpadayon hangtod sa election period./ AYB.