1 day Ago
Kahit na hiwalay na sila, pinagdarasal pa rin ni Mikee Quintos ang dating boyfriend at kapwa aktor na si Paul Salas.Sa pagbisita ni Mikee kasama si Gabbi Garcia sa Fast Talk with Boy Abunda nitong Martes, April 1, inamin ng aktres na hiwalay na nga siya kay Paul. Sabi pa ni Mikee, may isang buwan na nang mapag-usapan nila ang mutual decision na maghiwalay.
“A month ago na 'yung nag-start kaming mag-usap about this decision and ngayon, nagiging clear sa'min na ito nga 'yung tama for us. Mutual naman na desisyon 'to,” sabi ng aktres.Sa ngayon, pag-amin ng SLAY star, pinanghahawakan lang niya ang kaniyang pananampalataya.
Sa katunayan, bukod sa suporta ng kaniyang co-stars na sina Gabbi, Julie Anne San Jose, at Ysabel Ortega, ay nagdarasal din si Mikee para humingi ng gabay.Sinagot din ni Mikee ang tanong ni King of Talk Boy Abunda kung ano ang laman ng prayers niya, “Sinasabi ko sa Kaniya lagi, 'Lord, ang dami kong nafi-feel ngayon. Ang hirap for me pero alam kong itong lahat ng ito, feelings lang ito and wala kang binibigay na challenges na hindi ko kaya.
'”“And kung puwede akong mag-request, gusto ko sana, hindi masayang 'yung love na binibigay ko,” pagpapatuloy pa ng aktres.BALIKAN ANG ILAN SA SWEETEST PHOTOS NINA MIKEE AT PAUL SA RERCENT JAPAN TRIP NILA SA GALLERY NA ITO: Ibinahagi rin ng Lutong Bahay host ang sinabi niya kay Paul na kung ano man ang pagmamahal na ibinigay niya sa aktor ay sana angkinin nito at gamitin para magmahal muli.“Kahit naman i-take back ko 'yun, hindi na kayang tanggapin ng katawan ko 'yung love na 'yun e, kasi ibinigay ko 'yun unconditionally and sa kaniya na 'yun.
'Yung love na 'yun from now on, i-own niya 'yun, gamitin niya 'yung love ko na 'yun, and pinagpe-pray ko kay Lord na magamit 'yun ni Paul, I pray for him pa rin,” sabi ni Mikee.Pinagdarasal din umano ni Mikee na kung talagang hindi si Paul ang para sa kaniya ay tulungan siya ni Lord na maghilom at maging matatag sa kabila ng pinagdadaanang pagsubok.“I'm grateful sa lahat ng blessings kasi thesis ko nga dito, itong SLAY, 'yung Lutong Bahay, lahat, feeling ko, pina-busy ako ni Lord para kayanin ko 'to,” sabi ng aktres.
Panoorin ang panayam kina Mikee at Gabbi dito:.
