Michelle Dee, todo-suporta kay Rhian Ramos bilang Mitena sa 'Encantadia Chronicles: Sang'gre'

Todo ang suporta ni Miss Universe Philippines 2023 Michelle Dee sa kanyang best friend na si Rhian Ramos para sa upcoming big role nito sa inaabangang Encantadia Chronicles: Sang'gre.Ipinakita ni Michelle ang suporta kay Rhian nang ilabas ang "Bagong yugto. Bagong kalaban.

Bagong tagapagligtas" teaser ng Encantadia Chronicles: Sang'gre, kung saan ipinasilip na ang ilang powerful scenes ni Rhian bilang ang ice queen na si Mitena."BASTA TEAM @whianwamos AKO!!! KASI LAGOT AKO SA BAHAY KUNG HINDI. Congratulations @gmaencantadia!!! Hanep ser," komento ni Michelle sa teaser.



Sagot naman ni Rhian kay Michelle na may laughing emoji, "Lalakasan ko 'yung aircon sa kwarto mo." Sa interview sa 24 Oras, ipinarating ni Michelle kung gaano siya humanga nang mapanood ang bagong teaser ng Encantadia Chronicles: Sang'gre, na umabot na sa mahigit 24 million views noong Lunes, April 14."My mind was blown.

Kudos to GMA for just executing that, and I'm sure maraming nag-aabang talaga sa bagong Encantadia Chronicles: Sang'gre."Pero, I have to say medyo bias ako sa asawa ko sa bahay. Si Rhian kasi she's playing Mitena and grabe.

I'm just so excited for everybody to see how she brought that character to life. Grabe talaga 'yong pinaghandaan ni Rhian for that and I'm sure for every Sang'gre that's on Encantadia," sabi ni Michelle.Panoorin ang bagong teaser ng Encantadia Chronicles: Sang'gre sa video na ito:Abangan ang Encantadia Chronicles: Sang'gre soon sa GMA Prime.

SAMANTALA, TINGNAN ANG MGA EKSENANG IPINASILIP SA BAGONG TEASER NG ENCANTADIA CHRONICLES: SANG'GRE SA GALLERY NA ITO:.