Manghod ni Yulo nangandoy maka-qualify sa 2028 Olympics

Dili ikalimod nga ningsulbong sa tumoy sa kalampusan si Filipino gymnastics superstar Carlos “Caloy” Yulo tungod sa malampuson niyang kampanya ning tuig 2024 nga gibituonan sa iyang pagsakmit og duha ka gold medals sa niaging Paris Olympics. Apan sa hilom, malampuson sab ang kampanya sa manghod ni Caloy nga si Eldrew sa 2024 diin nanghakot kini og mga medalya sa Hong Kong Artistic Gymnastics International Invitational Championships nga gitawag sab og Chiu Wai Chung Cup. Ning maong kompetisyon, si Eldrew, 16, nangharos og gold medals sa individual all-around, vault, floor exercise, parallel bars, horizontal bar, pommel horse, ug still rings.

Nagkanayon si Eldrew nga buhaton niya ang tanan aron makasunod sa lakang sa iyang maguwang ug niini pa lang ka sayo, nakatutok na siya sa iyang pangandoy nga maka-qualify sa 2028 Los Angeles Olympics. “Kakayanin po. It-try ko po ‘yung best ko,” batbat ni Eldrew nga napatik www.



abs-cbnnews.com. “If ever I fail, there’s still more room.

Matagal pa, and I’m still young.”/ ESL.