1 week Ago By John Paul Seblos
Gikumpirmar sa Department of Foreign Affairs (DFA) niadtong Huwebes, Abril 10, 2025, nga nailhan na ang patay’ng lawas sa ikaduhang Pilipino nga biktima sa linog sa Myanmar niadtong Marso 28. Matod sa departamento nga ang Philippine Embassy sa Yangon nagpahibalo sa DFA bahin sa identification. Ang DFA nipaabot sa ilang pahasubo sa pamilya sa namatay.
“They have requested media to respect their privacy in this very difficult time. In light of the tragedy, the family has requested that the media respect their privacy during this difficult time. As such, the Department has refrained from releasing additional details out of respect for their wishes,” pulong sa DFA.
Samtang ang pag-ila niining ikaduhang kaswalti nagdala og dugang kasubo ug ang DFA nagpadayon sa pagpangita sa nahibiling duha ka mga Filipino national nga wala pa mailhi sa Mandalay, Myanmar. “We continue to hope for the best for the remaining two Filipinos still unaccounted for in Mandalay, Myanmar,” ingon sa DFA. Niadtong Miyerkules, gikumpirmar sa DFA ang pagkamatay ni Francis Aragon kinsa maoy unang Filipino nga namatay sa linog.
Naabot na sa 3,649 ang ihap sa namatay sa linog pagkaalas 6 sa gabii sa Miyerkules, Abril 9, 2025, matod sa Myanmar’s State Administration Council. Mikabat usab sa 5,018 ka tawo ang nasamdan ug 145 ang nagpabiling missing. / JGS / SunStar Philippines.
