Garces mi-knockout ni Espere sa boksing sa Pasil

Gisumpayan ni Kit Ceron Garces ang iyang sunodsunod nga kadaugan pinaagi sa pag-knockout ni Kier Clenton Espere sa 8th round sa main event sa boxing card sa Prime Stags Sports niadtong Huwebes sa gabii, Disyembre 18, 2024, sa Brgy. Taboan Gym, Dakbayan sa Sugbo. Agresibo si Garces sa kinatibuk-ang away ug kanunay siya makapasulod og makusog nga kumbinasyon sa kumo.

Sa 8th round, gitay-og ni Garces ang kalibutan ni 00Espere pinaagi sa iyang left hook nga niigo sa ulo. Human niini, sunodsunod nga kumbinasyon sa mga kumo ang gibuhian ni Garces hangtod nga iyang napatumba si Espere pinaagi sa solidong left hook nga niini sa gusok sa ika-1:11 minutos sa 8th round. Wala dayon nakabangon si Espere ug naiphan kini’g 10 ni referee Rey Caitom.



Si Garces kinsa niposte sa iyang ikaupat nga sunodsunod nga kadaugan, nisaka sa 9-1, 6KOs nga rekord samtang nahagbong si Espere sa 8-7-1, 2KOs nga baraha. Sa laing mga away, ningdaog sila si Steven Lagrama batok Jimmybie Cais (MD), ug Neel Jacamos batok John Mark Hechanova (KO 2). / EKA, ESL.