Gabbi Garcia sa samahan ng 'SLAY' lead stars: 'We're best friends'

Pa-intense na ng pa-intense ang mga nagaganap sa murder mystery series na SLAY. Pero, ani Gabbi Garcia, kabaliktaran naman nang nangyayari sa kanila sa set kasama ang co-stars na sina Mikee Quintos, Ysabel Ortega, at Julie Anne San Jose.Sa interview kay Nelson Canlas ng 24 Oras, ikinuwento ni Gabbi kung gaano siya ka-close sa co-stars na sina Mikee, Ysabel, at Julie Anne.

"Hindi lang naman kami castmates dito, we're also best friends," sabi ni Gabbi. Ibinahagi rin ni Gabbi ang masayang bonding nila sa set. Aniya, "Ang saya ng taping namin.



We're very alive, full of energy sa chikahan. Walang dull moment talaga kapag kaming apat 'yung magkakasama."Nang tanungin kung nahirapan ba sila na makatrabaho ang mga kaibigan sa isang murder mystery series, sagot ni Mikee, "Feeling ko baliktad naman.

I mean, these three girls are professional enough and magaling sila, na alam nilang advantage 'yung friendship kaysa disadvantage."Sa SLAY, gumaganap sina Gabbi bilang Amelie, Mikee bilang Sugar, Ysabel bilang Yana, at Julie Anne bilang Liv.Ilan pa sa mga bituing bumubuo sa SLAY ay sina Derrick Monasterio, Royce Cabrera, James Blanco, Tina Paner, Bernard Palanca, Phoemela Baranda, Chuckie Dreyfus, Simon Ibarra, Jay Ortega, Gil Cuerva, at Nikki Co.

Abangan ang SLAY, Lunes hanggang Huwebes, 9:30 p.m. sa GMA Prime.

Maaari rin itong i-stream sa YouTube via Kapuso Stream.KILALANIN ANG CAST NG SLAY SA GALLERY NA ITO:.