Editoryal: Unsaon paglikay ang mpox?

Sa labing uwahi nga kalamboan mahitungod sa pagtumaw sa bag-ong virus nga monkeypox (mpox) diin adunay lima ka tawo sa Central Visayas nga suspected pa lang ug dili pa konpirmado nga nataptan sa maong virus. Ang maong mga indibiduwal ang hugtanong gi-monitor sa Department of Health (DOH) 7 ug mipasalig ang maong ahensiya nga dili angayan nga mabalaka ang publiko. Pulso sa katawhan ang nagpangutana og diin man makuha sa maong suspected nga mga indibiduwal ang maong virus? Sa dihang gipahibawo sa DOH nga wala silay travel history abroad ug outside sa Cebu.

Unsa sab kahay profile niining gisuspetsahan nga mga indibiduwal? Basin og aduna kiniy gikalambigit nga foreigner o adunay balikbayan nga posible nga nagdala sa maong virus resulta nga nataptan? HEALTH PROTOCOLS Samtang ang DOH7 nipagawas og advisory nga nag awhag sa publiko nga magbinantayon ug mirekomendar og health protocols aron nga kalikayan nga mataptan sa mpox. Gikinahanglan nga kanunayon ang pagpanghugas sa kamot, gikihanglan nga sundon ang husto nga respiratory etiquette sama sa paggamit og tabon kon mo-ubo ug hatsing. Sigurohon sab nga adunay maayong airflow sud sa lawak ug likayi ang pagpaduol niadtong nagpakita og simtomas sa mpox.



Ang maong virus gihulagway nga mananakod nga mo-transmit pinaagi sa direkta nga pagpaduol niadtong adunay inpeksiyon ug mamahimong matakdan pinaagi sa gamit nga ginamitan na sab sa maong pasyente. Gipaubos karon sa heightened alert ang DOH gumikan niining pagtumaw sa maong virus. Way kumo kon kita magbinantayon ug mosunod sa maong health protocol aron di ta tugkan og mga butoybutoy sa panit.

.