David Licauco, masaya sa suporta ni Barbie Forteza sa 'Samahan ng mga Makasalanan' premiere night

Masayang masaya si David Licauco na naging bahagi si Barbie Forteza ng premiere night ng Samahan ng mga Makasalanan.Noong Huwebes, April 10, ginanap ang makasalanang premiere night ng pelikulang handog ng GMA Films na Samahan ng mga Makasalanan.Bumida sa red carpet ng premiere night si David kasama ang kaniyang co-actors sa Samahan ng mga Makasalanan na sina Joel Torre, Soliman Cruz, Liezel Lopez, Jade Tecson, Jun Sabayton, Jay Ortega, Buboy Villar, Chanty Videla, Liana Mae, Tito Abdul, Tito Marsy, Shernan Gaite, Yian Gabriel, at Batmanunulat.

Dumalo rin sa espesyal na event na ito ang Kapuso executives, celebrity guests, entertainment press, kanilang pamilya, at fans. Present din para sumuporta ang Kapuso Primetime Princess na si Barbie Forteza.Kuwento ni Barbie, inimbita siya ni David sa premiere night ng Samahan ng mga Makasalanan.



Si David ay gumanap na Reverend Sam sa pelikula. "Ininvite niya ako dito so I am very happy to be here tonight." Ayon pa kay Barbie, proud siya sa proyektong ito ni David dahil alam niyang pinaghirapan niya ito.

"I'm so excited for him, I'm so proud of him. Alam ko na pinaghirapan niya 'to. Lagi niya sinasabi niya sa akin na this is something new for him.

'Yung istorya, 'yung script, 'yung character niya. Noong una medyo nangangapa pa siya pero he was just so excited to work with everyone."Puno naman ng pasasalamat si David sa pagdalo ni Barbie sa Samahan ng mga Makasalanan premiere night.

Ani David, "For her to come here, to support me, made time for me, says a lot about her character. And, nothing but gratitude."Panoorin ang ulat ni Lhar Santiago sa 24 Oras dito: SAMANTALA, BALIKAN ANG MGA NAGANAP SA PREMIERE NIGHT NG SAMAHAN NG MGA MAKASALANAN:.