Baltazar posibleng moduwa na

Mga duwa karon: 5:00 pm- NorthPort batok Converge 7:30 pm- Meralco batok Blackwater Posibleng moduwa na sa Converge FiberXers sa labing unang higayon ang 2024 No. 1 overall pick nga si Justine Baltazar sa premirong duwa karong Huwebes, Disyembre 12, 2024, batok sa NorthPort Batang Pier sa Philippine Basketball Association (PBA) Season 49 Commissioner’s Cup sa Ninoy Aquino Stadium. “Might, pero hindi pa sure.

We’re still evaluating,” matod ni FiberXers caoch Franco Atienza. “We will still check kung talagang kakayanin niya, kasi mahaba naging season niya which ended only last Saturday, eh. So wala pang pahinga ito.



” Gipasabot ni Atienza mao ang pag-agak ni Baltazar sa Pampanga Dragons ngadto sa laing kampyunato sa Maharlika Pilipinas Basketball League (MPBL). Si Baltazar kinsa adunay 6’9” nga gitas-on, niapil na sa praktis sa FiberXers sa labing unang higayon niadtong Lunes, Disyembre 9. “Impressive ‘yung nakita namin, as expected.

I mean, what would you expect from someone who is a UAAP champion, back-to-back MPBL champion, back-to-back MPBL MVP, among other accolades?” dugang ni Atienza. “Talagang kung ano ine-expect mo sa ganoong kalibre, ganoon ipinakita niya kahapon.” Batok sa Batang Pier, gilaumang makasugat og hugot nga kombati ang FiberXers.

Ang Batang Pier kasamtangang nagpatong sa ibabaw dala ang 4-0 nga rekord samtang ang FiberXers adunay 2-1 nga rekord. Sa main game, makigbatok ang Meralco Bolts sa nagsalimoang nga Blackwater Bossing. Ang Bolts adunay 3-0 nga rekord samtang ang Bossing adunay 0-3 nga baraha.

/ ESL.