Bag-ong all-star format gisaway

Gibaha og mga pagsaway ang bag-ong format sa National Basketball Association (NBA) All-Star Game. Lakip sa mga nakasaway niini ang ubang superstars sa liga hilabi na si Phoenix Suns forward Kevin Durant. “I hate it; I absolutely hate it,” matod ni Durant human opisyal nga gianunsyo sa liga nga wagtangon na ang East vs.

West format sa All-Star Game. Ning maong season, ang bag-ong format mosubay sa four-team, three-game, one-night tournament. Ning maong format, ang tulo ka teams langkuban og walo ka All-Star players matag usa samtang ang ikaupat nga team mao ang modaog sa Rising Stars challenge nga kombatihan sa rookie ug sophomore players.



Ang team nga maoy unang makaabot og 40 puntos maoy modaog sa tanang mga sangka sa bag-ong format. Ang All-Star Game ipahiga­yon karong Pebrero 16, 2025 sa Chase Center, ang balwarte sa Golden State Warriors. Duha ka adlaw sa dili pa ang All-Star Game ipahigayon ang Rising Stars event.

“Terrible -- All-Star Game format changing, all the formats -- terrible in my opinion,” dugang ni Durant. “We should just go back to East-West. Just play a game.

” Si NBA commissioner Adam Silver nagtinguha nga mas hugot ang kombati sa All-Star Game ug mao kini ang hinungdan nga giusab ang format. Sa naandang format, tataw nga nagduwa­duwa lang ang mga magduduwa ug grabe ka luag ang depensa. Sa All-Star Game sa niaging season, ang East ug West teams nagkumboya sa pagmugna og 397 puntos, nga imposibleng mahitabo kon hinugtanay nga duwa.

“I think we’ve been trying to bring that flare back somehow with All-Star Weekend, I think we just keep the tradition,” matod ni Durant. “We’ll see how this one works. You never know, I might be wrong, I’m just another guy with an opinion, but we’ll see how it works.

” / AP.