Amirom Oo Durba War Xun Ka Helay Fasaxa Xulalka

Wax kar 24 saacadood ka dib markii uu qabtay xilka tababaranimo ee Manchester United, Ruben Amorim ayaa helay war xun. Inta badan kooxda Man United ayaa ku maqan waajibaadka caalamiga ah, sidaa darteed Amorim ma heli doono tababar buuxa ilaa maalmaha ka horeeya kulankiisa ugu horeeya ee uu hogaamin doono kooxda Ipswich Town. Amorim wuxuu daawan doonaa isagoo rajeynaya in mid ka mid ah ciyaartoydiisa muhiimka ah uusan soo gaarin dhaawac todobaadkan waajibaadka xulalka.

Si kasta ha ahaatee xiddiga haatanba ka dhaawacmay kooxda ayaa ah xiddig ka ciyaara qaarada South America. Saxafiga reer Argentina ee Gaston Edul ayaa daaha ka qaaday in daafaca Lisandro Martinez uu isaga baxay waajibaadka xulka Argentine sabab la xidhiidha dhaawac. Waxaa la rumeysan yahay in Martinez uu dhaawac ka soo gaadhay kulankii ay Man United la ciyaartay kooxda Leicester City.



.