16 namatay sa dakong pagbaha, buhawi sa US

Laing hugna sa pagbunok sa pag-ulan ug kalit nga pagbaha ang nahitabo niadtong Sabado, Abril 5, 2025, sa habagatan ug midwest sa Estados Uni­dos. Adlaw-adlaw nga kusog ang ulan sa sentral nga U.S.

ug hinungdan sa sunodsunod nga flash flood emerhensya gikan sa Texas ngadto sa Ohio. Labing minos 16 ka mga kamatayon nga may kalabutan sa panahon, ang gitaho sukad sa pagsugod sa mga bagyo, lakip ang 10 sa Tennessee. Usa ka 57-anyos nga lalaki namatay niadtong Biyernes sa gabii human mikanaog sa awto nga nabanlas sa usa ka dalan sa West Plains, Missouri.



Ang pagbaha nakapatay sa duha ka tawo sa Kentucky - usa ka 9-anyos nga batang lalaki ang naanod sa samang adlaw sa iyang pagpaingon sa eskuylahan, ug usa ka 74-anyos kansang lawas nakit-an niadtong Sabado sa sulod sa usa ka awto nga nalapawan sa tubig sa Nelson County, sumala sa awtoridad. Sa Sabado usab, usa ka 5-anyos nga bata ang namatay sa usa ka balay sa Little Rock, Arkansas, sa usa ka insidente nga may kalabutan sa panahon, sumala sa kapulisan. Walay gihatag nga mga detalye.

Ang mga buhawi sayo sa semana miguba sa tibuok kasilinganan ug responsable sa labing minos pito sa mga nangamatay. Ug naapektuhan ang komersyo sa interstate - ang grabe nga pagbaha sa usa ka koridor nga naglakip sa mga mayor nga hub sa kargamento sa Louisville, Kentucky, ug Memphis mahimong mosangpot sa mga paglangan sa pagpadala ug mga suplay, ingon si Jonathan Porter, labaw nga meteo­rologist sa AccuWeather. Ang mayor sa Louisville nga si Craig Greenberg niingon nga ang suba sa Ohio nitaas og lima ka tiil (mga 1.

5 metros) sulod sa 24 ka oras ug mag­padayon sa paghubag sulod sa mga adlaw. “We expect this to be one of the top 10 flooding events in Louisville history,” matod sa mayor. Ang hulga sa pagbaha nag-ung-ong sa daghang estado.

Ang flash flood emergency ug buhawi nga mga pasidaan nagpadayon nga giisyu sa Sabado sa tibuok Arkansas, Mississippi, Tennessee ug Kentucky, uban sa mas kusog nga ulan ug makadaot nga hangin. Ang tanan nga silangang bahin sa Kentucky gibantayan sa baha hangtod sa buntag sa Dominggo. Gatusan ka mga dalan sa Kentucky tabok sa estado, ang dili maagian tungod sa baha, nangatumba nga mga kahoy o lapok ug pagdahili sa bato.

Ang Downtown Hopkinsville, Kentucky, giablihan pag-usab sa buntag human ang tubig sa baha gikan sa Little River mihubas, matod ni Mayor James R. Knight Jr. “We got a little rain, but most of it went north of us,” dason ni Knight.

“Thank goodness on that. Gave us a little break.” Sa amihanan-sentral nga Kentucky, ang mga opisyal sa emerhensya nilusad sa mandatory nga pagbakwit alang sa Falmouth, usa ka lungsod sa 2,000 ka mga tawo.

Sa Arkansas, ang mga opi­syal sa panahon nangamuyo sa mga tawo nga likayan ang pagbiyahe gawas kon kinahanglan gyud tungod sa kaylap nga pagbaha. Gikumpirmar sa BNSF Railway nga usa ka tulay sa riles sa Mammoth Spring ang gibanlas sa tubig baha, hinungdan sa pagkadiskaril sa daghang awto. Walay gikataho nga naa­ngol, apan walay dinaliang banabana kon kanus-a maabli pag-usab ang taytayan.

/ AP.