2 weeks Ago By Jeepy P. Compio
ANAA sa 10-anyos ang labing bata nga biktima sa prostitusyon sa Davao City. Kini subay sa gipagula nga datus sa Lawig Bubai, usa ka organisasyon nga nagtan-aw sa kahimtang sa kababayenhan ug kabataan nga nakabase sa siyudad sa Davao. Atol sa komemorasyon sa International Day of No Prostitution (IDNP) niadtong Oktubre 5, 2024, gibutyag ni Lawig Bubai Chairperson Lory Pabunag nga ang Davao City nakatala og pinakabata nag-edad og 10-anyos kinsa nalambigit sa prostitusyon.
Giingon sa opisyal nga sagad niini kadtong mga mihimo og law-ay nga buhat pinaagi sa online bugti sa salapi diin natala ang 10-anyos nga edad ngadto na sa 76-anyos. Tungod niini, ang Lawig Bubai mihimo og mga information dissemination campaign aron maghatag og kahibalo sa publiko labot sa nanggihitabo ug paunsa kini malikayan ug ang mga posibleng epekto niini. Gipangusgan sab sa nasampit nga organisasyon ang ilang pagpakatag og kasayuran labot Online Sexual Abuse and Exploitation of Children kon (OSAEC), ang mga epekto ug ang silot niini.
Kauban sa Lawig Buhai ang Talikala nga usa usab ka non-government organization nga naghatag og importansiya ug kapuy-an kon shelter sa kababayenhan nga anaa sa nasampit nga kalihukan. Sumala ni Pabunag nga ang Lawig Bubai anaa nay 600 ngadto sa 700 ang nakaparehistro nga mga prostituted women diin gibana-bana nga mokabat sa kapin kun kulang naa pa’y tres mil ang wala natala kinsa mga freelancer. (JPC).
